Ağdamın Xındırıstan kəndində sürücünün xəsarət alması ilə nəticələnən yol nəqliyyat hadisəsi baş verib.
APA-nın Qarabağ bürosunun xəbərinə görə, Yaşar adlı Bakı şəhər sakini idarə etdiyi 90-UG-086 dövlət nömrə nişanlı “Mercedes Benz” markalı maşın ilə Ağdam sakininin idarə etdiyi “VAZ 2107” markalı minik maşını ilə toqquşub.
Nəticədə sürücü Aslanov Habil Sabir oğlu müxtəlif bədən xəsarətləri ilə Ağdam Mərkəzi Rayon Xəstəxanasına çatdırılıb. Həkimlər onun yuxarı və aşağı ətraflarında çoxsaylı sınıq və çıxıqlar müəyyən edib. İlkin tibbi yardımdan sonra yaralı Ağcabədi RMX –nın Travmatologiya şöbəsinə göndərilib.
Faktla bağlı Ağdam Rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
