Xaçmazda yol ayrıcında qəza baş verib, xəsarət alanlar var.
APA-nın Şimal bürosu xəbər verir ki, hadisə A. Ələsgər küçəsi ilə M.Ə.Rəsulzadə küçəsinin kəsişməsində qeydə alınıb.
Belə ki, Kərimov Ceyhun Ehtiram oğlu idarə etdiyi "Hyundai-Avante" markalı minik avtomobili ilə hərəkətdə olarkən yol ayrıcında gözləmədən hərəkətdə olan 1956-cı il təvəllüdlü Hacıyev Hacıgül Abgül oğlunun idarə etdiyi "VAZ-21099" markalı minik avtomobilinə çırpılıb.
Zərbənin təsirindən "VAZ-21099" yol kənarındakı səki ilə hərəkət edən piyada 1956-cı il təvəllüdlü Balayev Telman Zabit oğlunu vurub.
"Hyundai-Avante" isə yaşayış evinin hasarın dağıdıb. Nəticədə ağır xəsarət alan 2 nəfər xəstəxanaya aparılıblar.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
