Sumqayıtda "Bəy hamamı" yandı - VİDEO -YENİLƏNİB

Sumqayıt şəhərində yerləşən hamamda ümumi sahəsi 600 kv/m olan ərazidə yanğın başlayıb, 100 kvm ərazi yanıb.

Lent.az xəbər verir ki, bunu APA-ya açıqlamasında Sumqayıt DYM idarəsinin rəisi Mirfuad Mahmudov deyib.

Bildirib ki, qısa müddət ərzində yanğının digər obyektlərə keçməsinin qarşısı alınıb və söndürülüb. Yanğından xəsarət alan olmayıb.

***
21:42

Sumqayıt şəhərində yerləşən hamamda baş vermiş yanğın Fövqəladə Hallar Nazirliyinin qüvvələri tərəfindən genişlənməsinə imkan verilmədən qısa müddətdə söndürülüb.

Lent.az xəbər verir ki, bu barədə nazirliyin mətbuat xidməti məlumat yayıb.

***

Fövqəladə Hallar Nazirliyinin “112" qaynar telefon xəttinə Sumqayıt şəhərində yerləşən hamamda yanğın baş verməsi barədə məlumat daxil olub.

Lent.az xəbər verir ki, bu barədə FHN məlumat yayıb.

Məlumatla əlaqədar dərhal əraziyə FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər nəticəsində yanğın genişlənməsinə imkan verilmədən qısa müddətdə məhdudlaşdırılıb.

Yanğının tam söndürülməsi istiqamətində işlər davam etdirilir.

***
21:15

Sumqayıtda obyektdə yanğın hadisəsi baş verib.

Lent.az xəbər verir ki, yanğın Çerkassi küçəsində yerləşən hamamda qeydə alınıb.

Dövlət Yanğından Mühafizə Xidmətinin Yanğından mühafizə bölmələri hadisə yerinə cəlb olunub.

Hazırda yanğınsöndürmə işləri davam etdirilir.