Baş Dövlət Yol Polisi İdarəsi və Hacıqabul Rayon Polis Şöbəsi əməkdaşlarının birgə keçirdikləri əməliyyat tədbiri nəticəsində iyulun 19-da saat 6 radələrində rayonun Nəvahi qəsəbəsi ərazisində yerləşən BDYPİ-nin Yol Patrul Xidməti Alayının daimi postunda “KİA” markalı avtomobil saxlanılıb.
Daxili İşlər Nazirliyindən Lent.az-a verilən məlumata görə, polis əməkdaşları tərəfindən sürücü, Ağcabədi rayon sakini Yusif Nəsibovun narkotik vasitə qəbul etməsi müəyyən edilib və barəsində İnzibati Xətalar Məcəlləsinin 334.1-ci maddəsi ilə protokol tərtib olunub.
Avtomobilə baxış zamanı isə oradan 380 qram çəkidə marixuana aşkar edilib. Y.Nəsibov və sərnişini Kamil Məmmədov saxlanılıblar.
Araşdırma aparılır.