Xətai rayonu Afiyyədin Cəlilov küçəsində ağır yol qəzası qeydə alınıb.
Lent.az APA-ya istinadən xəbər verir ki, əyləncə mərkəzinin məişət tuallantılarını yük maşınına yükləyən mənzil istismar sahəsinin əməkdaşı 51 yaşlı Babakişiyev Məmməd Əzizağa oğlunu “Toyota” markalı minik avtomobili vurub.
Zərbə zamanı yük maşınına çırpılan Məmməd Babakişiyev hər iki ayağından ağır xəsarət alıb.
Kliniki Tibbi Mərkəzə çatdırılan mənzil istismar sahəsinin əməkdaşı cərrahi əməliyyat edilib.
Növbətçi həkimin verdiyi məlumata görə, Məmməd Babakişiyevin hər iki ayağı amputasiya edilib.
Hadisə üzrə əraziyə Xətai Rayon Polis İdarəsinin əməkdaşları cəlb edilib.
Minik avtomobilinin sürücüsünün izahatı alınıb. Fakta hüquqi qiymət araşdırmalardan sonra veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
