Ötən gün tələbə qızın paytaxt Bakıda yaşadığı mənzilin eyvanında özünü asdığı barədə yayılan məlumatlar həqiqəti əks etdirmir.
Lent.az xəbər verir ki, özünə qəsd etdiyi xəbəri yayılan R.R Milli.Az-la əlaqə saxlayaraq bu məlumatı onun şəxsi profilinin parolunu sındıraraq kənar bir şəxsin daxil olub bilərəkdən barəsində həqiqəti əks etdirməyən belə bir xəbər yaydığını bildirib.
Qeyd edək ki, dünən özünü R.R-nın tələbə yoldaşı və eyni zamanda onun rəfiqəsi kimi təqdim edən bir şəxs ölüm xəbərini məhz R.R-nın şəxsi Facebook hesabından məlumat vermişdi. O, intihar etdiyini iddia etdiyi qızın "Facebook" hesabından ardıcıl bir neçə status və onunla "xatirələri" ilə bağlı digər paylaşımlar edərək R.R-nın canına qıydığını, artıq həyatda olmadığını bildirib.
Həmin şəxs öldüyünü bildirdiyi "rəfiqəsinin" intihardan öncə ona sosial şəbəkə hesabının parolunu öz əlləri ilə verdiyini və ilk öncə onun bunu hansı səbəbdən etdiyini anlamadığını bildirməklə, dostluğundakı şəxsləri R.R-nın artıq həyatda olmadığına inandırmağa çalışıb.
***
29.11.2022
Saat: 16:14
Bakıda gənc qız intihar edib.
Lent.az xəbər verir ki, bu barədə teleqram kanallarında məlumat yayılıb. Bildirilib ki, gənc yaşlarında olan Roza Ramazanova bu gün Bakı şəhərində özünü öldürüb.
Onun hansı səbəbdən bu addımı atması isə bilinmir.
Roza Ramazanova
