Bakıda qətl törədən qadın tutuldu

Bir müddət əvvəl qətl törətdiyi üçün axtarışda verilən qadın həbs olunub. Bakı şəhər Baş Polis İdarəsindən APA-ya verilən məlumata görə, iyulun 28-i sat 18:30 radələrində, Bakıxanov qəsəbəsi R. Qəmbərov küçəsində yerləşən Gülüstan bağında çürüməyə məruz qalmış, qarın nahiyəsində beş bıçaq xəsarəti olan 35-40 yaşlarında kişi meyiti aşkar olunub. Araşdırmalar zamanı qətlə yetirilmiş şəxsin Bakı şəhər sakini, əvvəllər məhkum olunmuş Qonza Vladimir Viktiroviç olduğu müəyyənləşib. Bakı Şəhər Baş Polis İdarəsi Cinayət Axtarış İdarəsi, Sabunçu Rayon Polis İdarəsi Cinayət Axtarış Şöbəsi və 13-cü Polis Bölməsinin əməkdaşlarının keçirdikləri əməliyyat tədbirləri nəticəsində qətldə şübhəli bilinən Bakı şəhər sakini Karqina Yelena Aleksandrovna avqustun 3-də saxlanılıb.

Hazırda faktla bağlı araşdırma aparılır.