Üzvlərindən 1-i qız olan 4 nəfərlik quldur dəstəsi tutulub

Bakıda həbs olunan dəstə üzvlərindən bir Rusiya vətəndaşıdır

Bakı sakini quldur dəstəsinin hücumuna məruz qalıb.

Bu barədə Lent.az-a Bakı şəhər Baş Polis İdarəsindən məlumat verilib. Avqustun 2-də saat 00:30 radələrində naməlum şəxslər Ə.Əliyev küçəsində 1980-ci il təvəllüdlü Mehdiyev Rüfət Hüseyn oğlunu döyərək, “BMW” markalı avtomaşına oturublar.

R.Mehdiyevi zorla Goradil kəndində dəniz kənarına apararaq orada yenidən yenidən döyüblər və 52 manatını, mobil telefonunu alıblar. Nərimanov RPİ 17-ci PB-nin əməkdaşlarının keçirdikləri əməliyyat tədbirləri nəticəsində R.Mehdiyevə quldurluq etmiş 1989-cu il təvəllüdlü Abbasov Anar Əjdər oğlu, 1985-ci il təvəllüdlü İsmayılov Zaur Əmirəhməd oğlu, 1981-ci il təvəllüdlü Əliyeva Jalə Rövşən qızı və RF-nın vətəndaşı, 1988-ci il təvəllüdlü Səfərov Mixail İqoreviç yaxalanıblar.