5 azərbaycanlı Nigeriya sahillərində girov saxlanılır

Türkiyə bayraqlı “Düdən” gəmisi dəniz quldurlarının hücumuna məruz qalıb

Nigeriya sahillərində hücuma məruz qalan Türkiyə bayraqlı “Düdən” gəmisi lövbər salmadan dənizin ortasında saxlanılıb.

Lent.az-ın məlumatına görə, Türkiyə Dəniz Nəqliyyatı İdarəsindən bildirilib ki, “Düdən” Tailanddan götürdüyü düyü yükünün bir hissəsini Nigeriyanın Laqos Limanında boşaldıb, qalanını isə Nigeriyanın Port Harcourt Limanına apararkən dəniz quldurlarının hücumuna məruz qalıb.

Hücum zamanı gəmidə aşpazlıq edən Türkiyə vətəndaşı Ertan Ənginlə, Nigeriya vətəndaşı olan bir işçi qolundan yaralanıb. Bu barədə aidiyyəti orqanlara məlumat verilib.

İdarədən bildirilib ki, gəminin 26 heyət üzvündən 10-u Türkiyə, 5-i Azərbaycanlı, 2-si Gürcüstanlı və 9-u Nigeriya vətəndaşıdır.