Türkiyədə azərbaycanlı qadınların yaratdığı cinayətkar dəstə zərərsizləşdirilib

Onlar cinayətkar dəstə yaratmaqda, fahişəliyə məcbur etməkdə təqsirləndirilirlər

Türkiyənin Çanaqqala şəhərində keçirilən əməliyyat nəticəsində tərkibində Azərbaycan vətəndaşları olan cinayətkar dəstə zərərsizləşdirilib.

Lent.az-ın “AA”ya istinadən məlumatına görə, saxlanılan 12 nəfərdən 10-u barəsində məhkəmə tərəfindən həbs-qətimkan tədbiri seçilib. Çanaqqala polisi eyni zamanda əxlaqsızlıq yuvası təşkil olunan 7 evdə axtarış aparıb. Nəticədə 43 yaşlı M.E, 35 yaşlı S.A, 28 yaşlı S.E və 18 yaşlı Ç.Y. fahişəliyə məcbur etmə maddəsilə təqsirləndirilərək saxlanılıb.

Bundan başqa, cinayətkar dəstə yaratmaqda, bir qrup şəxslə cinayət əlaqəsinə girərək, fahişəlik etmək və ya fahişəliyə məcbur etməkdə, əxlaqsızlıq yuvası təşkil etməkdə və fahişəliyə vasitəlik etməkdə təqsirləndirilən 6 qadın və iki kişi saxlanılıb. Saxlanılan qadınlar Azərbaycan vətəndaşları, 49 yaşlı Gülnara M, 54 yaşlı Elmira A, 30 yaşlı Nataliya E. və 51 yaşlı E.G, 40 yaşlı N.E, 26 yaşlı N.A-dır. Həmçinin, 57 yaşlı Mehmet Alper T. Və 72 yaşlı Hilmi B. də tutulub.