Daha bir reket qəzetin 4 əməkdaşı həbs olunub

Onlar Tovuz rayonunda sahibkarlardan hədə-qorxu yolu ilə pul tələb ediblər

Azərbaycanda daha bir reket qəzetin baş redaktoru və əməkdaşları həbs olunublar.

Lent.az-ın Daxili İşlər Nazirliyinin saytına istinadən məlumatına görə, Tovuz RPŞ əməkdaşlarının keçirdikləri əməliyyat tədbirləri nəticəsində martın 9-da “Qanun və Gerçəklik” ictimai-siyasi qəzetinin baş redaktoru Eldar Əsgərov, qəzetin şöbə müdiri Peyman Sadıqov, Gəncə şəhər sakinləri Bəxtiyar Cəfərov və Elnur Yusifov saxlanılıblar.

Onların həbsinə səbəb Tovuz rayonu ərazisindəki 4 yeməkxanada videoçəkiliş aparmaları, barələrində rüsvayedici məlumatlar yayma hədəsi ilə sahibkarlar Kazım Allahverdiyev və Yeganə Babayevanın hərəsindən 400 manat almaları, habelə İslam Ağayevdən və Ülkər Hacıyevadan isə pul tələb etmələridir.

Faktla əlaqədar cinayət işi başlanmışdır. Araşdırmalar aparılır.