Bayılda yerləşən 1 saylı İstintaq Təcridxanasının köçürülür

Nazim Ələkbərov: “Köçürülməyə bir aydan sonra başlanacaq”

“Penitensiar Xidmətin Bayılda yerləşən 1 saylı İstintaq Təcridxanasının köçürülmə prosesinə bir aydan sonra başlanacaq”.

Jurnalistlərə açıqlamasında APA-nın əməkdaşının sualının cavablandıran Penitensiar Xidmətin rəisi, ədliyyə general-mayoru Nazim Ələkbərov bildirib ki, yeni istintaq təcridxanalarının və cəzaçəkmə müəssisələrinin inşası davam etdirilir: “Bayılda yerləşən 1 saylı İstintaq Təcridxanası Kürdaxanı-Zabrat yolu üzərində yeni tikilən Bakı İstintaq Təcridxanası ilə əvəz olunacaq. Ümumiyyətlə isə Bakıda bir istintaq təcridxanası fəaliyyət göstərəcək”. N. Ələkbərov deyib ki, paytaxtda yerləşən cəzaçəkmə müəssisələri də şəhərin mərkəzindən kənarda fəaliyyət göstərəcək: “Regionlarda da cəzaçəkmə müəssisələrinin tikilməsi nəzərdə tutulub və bu istiqamətdə işlər gedir. Qadın məhkumların cəza çəkdiyi 4 saylı cəzaçəkmə müəssisəsi və Yetkinlik Yaşına Çatmayanların Tərbiyə Müəssisəsi üçün də Başı şəhər İcra Hakimiyyəti tərəfindən yeni yer ayrılıb. Artıq müasir tipli bu müəssisələrin layihəsi hazırdır və tikinti işlərinə ilin sonunda başlanacaq”.