Dağıstan prezidentinin müşaviri ağır vəziyyətdə Bakıya gətirilib

Səid Qurbanovu gətirmək üçün Samur gömrük-keçid məntəqəsinə xüsusi aviasiya göndərilib

Bu gün saat 17.40 radələrində Dağıstanın Dərbənd rayon müdiriyyətinin rəhbəri Qurban Qurbanovun atası, Dağıstan prezidentinin müşaviri, Səid Qurbanov ağır xəstəliklə bağlı Samur gömrük-keçid məntəqəsinə gətirilib. ANS PRESS-in bölgə müxbirinin məlumatına görə, o, Bakıdan göndərilmiş xüsusi aviasiya ilə Bakıya göndərilib. Faktı Samur gömrük-keçid məntəqəsindən də təsdiqləyiblər. Səid Qurbanovun hazırda Mərkəzi Klinik Xəstəxanada olduğu bildirilir.
Xatırladaq ki, Səid Qurbanovun 80 yaşı var. 2008-ci il dekabrın 20-də o Azərbaycan Respublikası ilə Rusiya Federasiyasının Dağıstan Respublikası arasında qarşılıqlı əlaqələrin inkişafındakı xidmətlərinə görə Azərbaycan Respublikası Prezidentinin fəxri diplomu ilə təltif edilib.