İtlərin arasında yaşayan 3 yaşlı qız onlar kimi hürür, sümük gəmirir

Alkoqolik anasının tərk etdiyi Mədinəni köpəklər böyüdüb

Rusiyanın Ufa şəhərində 3 yaşlı qız it kimi hürür, əl və ayaqları üzərində yeriyir, sümük gəmirir.

Lent.az-ın məlumatına görə, Mədinə adlı azyaşlı Sosial Müdafiə Fondunun əməkdaşları tərəfindən tapılıb. Məlum olub ki, körpənin alkoqolik olan anası evində xeyli it saxlayıb. Günlərlə evə gəlməyən, sərxoş olub küçələrdə yatan anasının baxmadığı körpəsinə itlər qayğı göstərib. Nəticədə qızcığaz heyvanlar kimi davranmağa başlayıb.

Bu vəziyyəti öyrənən qonşular Sosial Müdafiə Fonduna xəbər veriblər. Evə gedən fondun əməkdaşları körpəni uşaq evinə veriblər. Mədinənin anası qızına yaxşı baxdığını iddia etsə də, övladı ona qaytarılmayıb.

Tibbi müayinədən keçirilən qızın fiziki və əqli cəhətdən sağlam olduğu, bütün gün itlərlə bir yerdə olduğundan onlar kimi davrandığı məlum olub. Danışa bilməyən qızcığaz sadəcə, “bəli” və “xeyir” sözlərini deyir, ona yaxınlaşan yad adamlara it kimi hürərək reaksiya verir.