Radikal dini qrupun məhkəməsi davam edir

Bakıdakı “LUKoil” yanacaqdoldurma məntəqəsinə silahlı basqın etməkdə, ABŞ və Böyük Britaniyanın Azərbaycandakı səfirliklərinə qarşı terror aktı hazırlamaqda və digər cinayətlərdə təqsirləndirilən radikal dini qrup üzvlərinin cinayət işi üzrə məhkəmə prosesi bu gün günün ikinci yarısında davam edib.

Lent.az-ın məlumatına görə, hakim İslam Nemanovun sədrliyi keçirilən prosesdə daha əvvəl şahid ifadəsi verən Qobustan həbsxanasının nəzarətçiləri Mübariz Zeynalov və Cümşüd Xankişiyev təqsirləndirilən İlkin İsmayılovla üzləşdirilib. Şahidlər İlkin İsmayılovun yalan ifadə verdiyini bildiriblər.

Təqsirləndirilənlər Kamran Əsədovla İlkin İsmayılov isə məhkəməni qərəzli mövqe tutmaqda ittiham ediblər.

Məhkəmə prosesi günün ikinci yarısında davam etdiriləcək.

Şəhriyar ƏLİZADƏ