Ata 1 yaşlı qızını döşəməyə çırparaq öldürdü

Buna körpənin çox ağlaması səbəb olub

Türkiyənin Ağrı vilayətinin Şərqi Bəyazid rayonunda ata 1 yaşlı körpəsini qətlə yetirib.
Lent.az-ın Türkiyə mətbuatına istinadən məlumatına görə, körpənin çox ağlamasından qəzəblənən 28 yaşlı Ayxan Tanrıqulu uşağını yerə çırparaq öldürüb. Hadisə şənbə günü baş verib.

Gecəyarısı qızı Asiyanın ağlamaq səsinə oyanan Ayxan Tanrıqulu onu qucağına alıb və evin döşəməsinə çırpıb. Körpə yerindəcə keçinib. Hadisə qızın anası, 29 yaşlı Söyləməz Tanrıqulunun gözləri qarşısında baş verib.

Ata doğma qızını öldürəndən sonra cəsədini həyətdə basdırıb. Ertəsi gün Söyləməz Tanrıqulu hadisə barədə əvvəlcə qonşularına, sonra polisə məlumat verib. Bundan dərhal sonra Ayxan Tanrıqulu tutulub. O, polisə ifadəsində “səsə yuxudan oyandım, nə etdiyimi xatırlamıram”,- deyib.