Dar dəhliz sizi uğursuzluğa necə proqramlaşdırır?

Hər gün divarların arasından sıxılaraq keçirsiniz, fərqinə varmadan bunun bütün həyatınıza necə təsir etdiyini bilmirsiniz. Dar məkan düşüncənizi dəyişdirir və imkanlara olan inamınızı əlinizdən alır. Dar dəhliz beyninizi daimi məhdudiyyət rejimində işləməyə məcbur edir. Şüuraltı olaraq yalnız bir yolu görməyə başlayırsınız və alternativləri görmək qabiliyyətinizi itirirsiniz.

Lent.az xarici mediaya istinadla bildirir ki, bu, gündəlik məişət məsələlərindən tutmuş mühüm karyera qərarlarına qədər bütün seçimlərinizə təsir edir. Xüsusilə də giriş qapısının birbaşa dar dəhlizə açılması dağıdıcı təsir göstərir.

İnsan qapıdan içəri girən kimi qarşısında bir maneə görür. Beləliklə, günün əvvəlinə belə çatmamış, şüuraltında "çıxış yolu yoxdur" mesajı formalaşır.

Gərgin yay effekti

Hər dəfə qarnı içəri çəkmək və dirsəkləri bədənə sıxmaq məcburiyyətində qalmaq nəticəsində bədəndə xroniki stress yığılır. Bədən bu sıxılmış vəziyyəti yadda saxlayır və həyatın digər sahələrinə daşıyır. Görüşlərdə qamətin əyilməsi (sütulma), rəhbərlik qarşısında sıxılma hissi kimi problemlər yaranır. Ən pis vəziyyət, dəhlizdə iki insanın bir-birindən rahatlıqla keçə bilməməsidir. Hər keçid kiçik bir qarşıdurmaya çevrilir və zamanla ailə münasibətlərini pozur.

Güzgü illüziyası

Giriş qapısının qarşısına qoyulmuş böyük güzgü qavrayışı aldada bilər. O, məkanı vizual olaraq ikiqat artırır və beynə "yer kifayət qədərdir" siqnalı göndərir. Bu, şüuraltı qəbulları dəyişmək üçün sadə, lakin təsirli üsuldur.

İşıq təzyiqə qarşı

Bir divar boyunca parlaq işıqlandırma məkanı "genişləndirmək" effekti yaradır. Yuxarıya yönəldilmiş nöqtə işıqları tavanı vizual olaraq "yüksəldir". İşıq darıxdırıcı sıxlığın əleyhinə müttəfiqə çevrilir.

Rəng inqilabı

Uzaq divarın açıq və isti rəngə boyanması məkanı vizual olaraq "özünə çəkir". Qaranlıq rənglər isə dəyərli santimetrləri "udaraq" sıxıntı hissini gücləndirir. Böyük, həcimli şkafları divarın rəngi ilə uyğun açıq rəf sistemləri ilə əvəz edin. Beləliklə, həm saxlama sahəsi qorunur, həm də məkan ağırlaşdırılmır. Hər boşaldılan santimetr məkan qavrayışını dəyişir. Əgər planlaşdırmanı fiziki olaraq dəyişmək mümkün deyilsə, assosiasiyalarla işləyin. Divarlara motivasiyaedici sitatlar və ya dərin perspektivə malik şəkillər asın. Hər keçid sizə xatırlatsın: "yol açıqdır".

Necə doğru etmək olar?

Dar dəhliz insanlarda çıxışsızlıq düşüncəsi formalaşdırır və bu, bütün həyat qərarlarına təsir edir. Məkanı dəyişdirin - və imkanlara baxışınızın necə dəyişdiyinə özünüz şahid olun.