Mexikoda narkosavaşın qurbanlarına xatirə abidəsi

Meksikanın paytaxtı Mexikoda mübahisəyə səbəb olan xatirə abidəsi açılıb.

Lent.az-ın xarici informasiya vasitələrinə istinadən məlumatına görə, abidə qanunsuz narkotik alverçiləri və qaçaqmalçılarına qarşı mübarizə qurbanlarının xatirəsinə həsr edilib.

Metal divar üzərin qurbanların deyil, yazıçı və filosoflardan örnəklərin yazılması həlak olanların bəzilərinin qohumlarının xoşuna gəlməyib.

Məlumata əsasən, həmin divar üzərində ölənlərin adlarının rəsmi şəkildə olmaması üzündən adlar yazılmayıb. Bununla belə orada qurbanların adlarının çızılması üçün boş yer də var.

Xatirə kompleksi 2,4 miloyn dollara başa gəldiyi bildirilib. Abidənin tikintisi üçün maliyyə vəsaiti narko-tacirlərdən müsadirə edilmiş pullardan götürülüb.