Meksikada təyyarə qəzası

Meksikada təyyarə qəzası baş verib. Lent.az-ın Türkiyə mətbuatına istinadən verdiyi məlumata görə, hadisə nəticəsində 8 nəfər həyatını itirib. Ölənlərdən 3-nün uşaq olduğu bildirilir. Ölkənin Rabitə və Nəqliyyat Nazirliyindən verilən açıqlamada qeyd edilib ki, Çiapas əyalətində kiçik bir təyyarə havaya qalxdıqdan az sonra qəzaya düşüb.

İlkin ehtimallara görə, qəzaya güclü külək səbəb olub. Hazırda araşdırmalar davam etdirilir.