İngiltərədə irqçiliklə bağlı sanksiyalar tətbiq ediləcək

İngiltərə Futbol Assosiasiyası növbəti mövsümdən etibarən irqçiliklə bağlı olaraq yeni sanksiyalar tətbiq edəcək. Apasport.az saytının məlumatına görə, sözügedən federasiyanın rəhbəri Devid Bernşteyn futbolçunu təhqir edən hər hansı bir oyunçu 5 matçlıq cəzalanacağını bildirib.

O, həmin futbolçu yenidən belə bir hərəkət etdiyi təqdirdə 10 oyunluq cəzalanacağını və pul cəriməsinin veriləcəyini ifadə edib. İngiltərə Futbol Assosiasiyası irqçiliklə mübarizə üzrə proqrama isə 4 milyon avro sərmayə qoyacaq.

Qeyd edək ki, 2011-ci ildə “Liverpul”un uruqvaylı hücumçusu Luis Suares “Mançester Yunayted”in müdafiəçisi Patris Evranı oyun zamanı təhqir etdiyi üçün 8 oyunluq İngiltərə Futbol Assosiasiyası tərəfindən cəzalanmış və 40 min sterlinq dəyərində pul cəzası verilmişdi