Bolqarıstanın paytaxtı Sofiyadan 200 km cənubda yerləşən Gotze Delçev şəhərində tarixi Qaraca Paşa məscidinin minarəsinə naməlum şəxslər tərəfindən iki metr uzunluğunda taxta xaç asılıb.
Lent.az-ın Türkiyə KİV-ə istinadən məlumatına görə, bölgənin müftiliyi olayı qınayıb.
Mənbə bildirib ki, son zamanlar Bolqarıstanda müsəlman icması təhqirlərə tez-tez məruz qalır. Müftilikdən verilən açıqlamaya əsasən, bu sayaq əməllər daha böyük olayların baş verməsinə səbəb ola bilər: “Dinlərarası qarşıdurmaları qızışdıran, birbaşa milli təhlükəsizliyi təhdid edən bu hadisələr, dövlətin təhlükəsizlik səlahiyyətliləri tərəfindən bütün ciddiliyi ilə araşdırılmalı, günahkarlar ədalət qarşısında cavab verməlidir”.
Gotze Delçev bölgə Müftiliyi ibadət yerlərinin qorunması və ehtimal olunan hücumların qarşısının alınması üçün dövlətin uyğun qurumlarından lazımi tədbirlərin görülməsini istəyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
