Supermodeldən məşhur oliqarxa zorlama İTTİHAMI

Məşhur supermodel Kira Dihtiyar, 15 yaşında rusiyalı mərhum oliqarx Boris Berezovskinin onu zorladığını söyləyib.

Lent.az xarici mediaya istinadla bildirir ki, 33 yaşlı Dihtiyar hadisənin Moskvada fotoqraf Aleksandr Borodulin agentliyində model olaraq ilk işi ilə əlaqədar çalışdığı zaman baş verdiyini iddia edib.

Sonra İngiltərədəki çəkilişlərdə iştirak edəcəyini söyləyiblər, ancaq Londona çatanda Dihtiyar bir oteldə yoxlanılıb və "müəyyən bir vaxta qədər gedəcəklərini söyləyiblər".

"Düşdüm və orada Boris Berezovski mühafizəçilərlə birlikdəydi. Çəkilişə getməliydik, amma o, mənzilə apardı. Hər şey orada baş verdi – o, məni zorladı”, - Dihtiyar baş verənləri belə xatırlayıb.

Şounun qəhrəmanı, "kiçik bir uşaq" olduğu üçün nə edəcəyini bilmədiyini vurğulayıb.

“Çox yüksək səslə qışqırdım. Bakirə idim, bu onu daha da qızışdırdı. O, dedi: “Vay, necə də şanslıyam”. Sonra məni qarın üstünə atdı, evə qədər necə gedəcəyimi belə bilmirdim”, - qız söyləyib.

Model, Berezovskinin onlardan birinə zərər verəcəyindən qorxduğu üçün hadisəni qohumlarına deyə bilmədiyini də qeyd edib. Bundan əlavə, polisə ərizə ilə müraciət etməsini də mənasız olduğunu düşünüb.

Dihtiyar, oliqarxın ölümünü eşidəndə çox sevindiyini də etiraf edib.

"Belə insanlar həbsdə yatmalı və ya dünyada olmamalıdır!" – o, fikrini belə yekunlaşdırıb.

Proqram zamanı model, həqiqəti söylədiyini göstərən yalan detektoru testindən də keçib. Bu zaman onun söylədiklərinin həqiqət olduğu müəyyənləşib.

Hazırda şounun qəhrəmanı Nyu-Yorkda yaşayır, məşhur jurnalların üz qabıqlarında rol alır, BMT-nin İdman məsələləri üzrə elçisidir və bir çox Qərb markalarını təmsil edir.

2013-cü ildə özündən təxminən 30 yaş böyük ingiltərəli rejissor Entoni Hikoksdan bir oğlan dünyaya gətirib - kişi hamiləlik xəbərini öyrəndikdən sonra onu tərk edib. Uşaq vaxtının çoxunu Moskvada modelin valideynləri ilə keçirir.

Qeyd edək ki, model bunları “Rusiya 1” kanalında "Andrey Malaxov. Birbaşa efir" canlı proqramında danışıb.