Cənubi Koreyada təlim zamanı qırıcı təyyarənin səhvən yaşayış məntəqəsinə bir neçə bomba atması nəticəsində 7 nəfər yaralanıb.
Lent.az xəbər verir ki, bu barədə “Yonhap” agentliyi məlumat yayıb.
ABŞ-Cənubi Koreyanın birgə təlimində iştirak edən iki KF-16 döyüş təyyarəsi Seuldan 42 km şimal-şərqdə yerləşən Poçeon şəhərindəki Seungjin təlim poliqonunun kənarına təsadüfən 8 MK-82 bombası atıb. Nəticədə yeddi nəfər ağır xəsarət alıb, kənddəki kilsə və 6 digər bina dağılıb.
Bütün zərərçəkənlər ağır xəsarətlərlə xəstəxanaya yerləşdirilib.
Ölkənin Hərbi Hava Qüvvələri insidentin araşdırıldığını bildirib və mülki şəxslərə dəyən zərərə görə üzr istəyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
