Qara çadra qadağan olunacaq!

Şeyx Məhəmməd Tantavi belə geyim tərzinin islami inanclarla əlaqəsinin olmadığını bəyan edib

Misirin nüfuzlu dinşünas alimi, El Ezher Universitetinin rektoru Şeyx Məhəmməd Tantavi bu günlərdə açıqlama yayılacağını və qadınların yalnız gözləri görünəcək şəkildə qara çadra taxmalarının yasaqlanacağını bildirib.

Lent.az-ın Türkiyənin NTV telekanalına istinadən verdiyi xəbərə görə, Şeyx Məhəmməd Tantavi bu tərzdə çadraya bürünmənin islami inanclarla heç bir əlaqəsinin olmadığını söyləyib.

Qeyd edək ki, son illər Mirsirdə radikal dini qrupların təzyiqilə qadınların bu tərzdə çadraya bürünmələri halı artmaqdadır.

Misirdə çadra mübahisəsi bir neçə gün əvvəl El Ezher Universitetinin rektorunun Qahirədə qız tələbələrin oxuduğu bir məktəbi ziyarəti sırasında çadraya bürünmüş şagirdə belə tərzdə geyinməkdən imtina etməyi tövsiyə etməsiylə başlayıb.