Obamanın vədini yerinə yetirməsi qəlizləşir

Quantanamo həbsxanasını qapatmaq müşkülə çevrilib

ABŞ Konqresinin Nümayəndələr Palatası Kubada yerləşən Quantanamo həbsxanasındakı dustaqların ABŞ-a gətirilməsinə qadağa qoyan qərarı qəbul edib.
Lent.az-ın Türkiyənin NTV telekanalına istinadən verdiyi məlumata görə, 258 deputat qərarın lehinə, 163 nəfər əleyhinə səs verib.
Hazırda Quantanamo həbsxanasında 223 dustaq var. Bu qərar tövsiyə şəklində 2010-cu ilin büdcə layihəsinə də daxil edilib.
Bunların bir qismi özlərinin istədikləri ölkəyə getməli, bir qismi isə ABŞ məhkəmələrində mühakimə olunmalıdırlar.
Əgər Nümayəndələr Palatasının hələ tövsiyə xarakterli olan bu qərarı qanun kimi qüvvəyə minərsə, vəziyyət daha da qəlizləşəcək və prezident Barak Obama 2010-cu ilin yazında Quantanamo həbsxanasını qapadacağı ilə bağlı vədini yerinə yetirə bilməyəcək.