İran ət olan tələbini Ermənistan hesabına ödəyir

İran-Ermənistan əlaqələri bütün sahələrdə, o cümlədən kənd təsərrüfatı sahəsində inkişaf etməkdədir. Lent.az-ın “İran news”a istinadən yaydığı xəbərə görə, iki ölkə arasında Dostluq Cəmiyyətinin katibi Mirqasım mömini İranın İSNA agentliyinə müsahibəsində deyib ki, iş adamları səviyyəsində əməkdaşlıqları genişlənməkdədir.

M.Möminin sözlərinə əsasən, İran və Ermənistan rəhbərləri arasında aparılan danışıqlar nəticəsində əldə olunmuş razılaşma əsasında sahibkarlar kənd təsərrüfatı, heyvandarlıq və sənaye sahəsində sərmayə qoyacaq, birgə layihələr həyata keçirəcəklər.

O, deyib ki, Ermənistanda İranın iş adamlarına min hektar əkinçilik üçün yaralı torpaq sahəsi verilib. Burada mədəni bitkilərin yetişdirilməsi ilə yanaşı, heyvandarlıqda inkişaf etdirilir. Katib bu sahənin 4 min ha-ya qədər artırılacağını da vurğulayıb.

M.Mömini qeyd edib ki, İran hökuməti daxili bazarda buynuzlu qaramala olan tələbi idxal hesabına ödəmək siyasətini yürüdür. Ötən 11 ərzində İran Ermənistandan 140 min baş mal-qara idxal edib, bu rəqəmin 500 minə çatdırılacağı nəzərdə tutulub.