Azərbaycanlı məhbus zindandan-zindana köçürülür

Azərbaycanlı fəhlə, ictimai-mədəni fəal və siyasi məhbus Şahruz Zəmani Kərəc şəhərinin Rəcayi zindanına köçürülüb.
Lent.az-ın məlumatına əsasən, o, zindanın 12-ci zalının 4-cü bölümündə saxlanılır.
Oktyabrın 13-də Təbrizin mərkəzi zindanından çıxarılıb və Ərsəncan zindanına köçürüldüyü deyilən siyasi məhbusun Kərəcdəki həbsxanada olduğu məlum olub.
Zəmani ikinci dəfədir ki, sürgünlük məhkumluğu olmadan başqa zindanlara köçürülür.O, bu il mayın 30-da qanunsuz olaraq Yəzd şəhərinin zindanına köçürülmüşdü.Bir müddətdən sonra avqustun 6-da Təbriz zindanına qaytarılmışdı.
Zəmani 2011-ci il iyunun 7-də Təbrizdə təhlükəsizlik qüvvələri tərəfindən tutulub, oktyabrın 19-da mülki vəsiqə qarşılığında zaminə buraxılmışdı. Bundan sonra inqilab məhkəməsində 11 il həbs cəzasına məhkum edilib və bir neçə ay sonra hökmünün icrasına başlanılıb.