Mayk Taysonun İLK SEVGİSİ: Aktrisanın başına nələr gəlib?

Yaxud qaradərili gözəl necə Dəmir Maykın ürəyini əridə bilmişdi?

Nyu-Yorkda anadan olan Robin Qivens ilk populyarlığını Harvard İncəsənət Məktəbində oxuyarkən məşhur jurnallarda model kimi çalışaraq qazanıb.

Lent.az xarici mediaya istinadla xəbər verir ki, Robin məşhur və tanınan kino və televiziya aktrisası olmaq arzusunda idi, lakin o, əfsanəvi ağır çəkili boksçu Mayk Taysonla evləndikdən sonra bütün dünyada məşhurlaşdı.

Mayk və Robin arasındakı münasibət 1987-ci ildə qurulmağa başlayıb. Hər iki gəncin populyarlığının zirvəsində olduğu dövr idi. Mayk inadla rinqdə qalxıb, rəqiblərini nokaut edib və Robin Amerika televiziya şoularında fəal rol alıb. Qivens hamilə olduğunu biləndən sonra cütlük nişanlandıqlarını açıqlayıb. Həmin andan media onları kamera obyektivindən buraxmırdı, mətbuatda hər buraxılışda “Gözəl və canavar” nağılındakı kimi boksçu və aktrisanın fırtınalı romantikasından bəhs edən yazılar dərc olunurdu.

Robin Qivens və Mayk Tayson 1988-ci ilin fevralında evləniblər. Qivensin iddiasına görə, onların evliliyi yalnız hamilə qaldığı üçün baş tutub. Evləndikdən sonra evliliklərində hər şeyin o qədər də rəvan olmadığı və birlikdə həyatlarının fikir ayrılıqları ilə dolu olduğu barədə şayiələr yayılmağa başlayıb.

Robin, Maykın dəfələrlə ona əl qaldırdığını iddia edib, boksçu həyat yoldaşının ona deyil, hər Tayson döyüşündən sonra əhəmiyyətli dərəcədə doldurulan pul kisəsinə aşiq olduğunu söyləyib. Qivens uşağı düşdükdən sonra dərhal boşanmaq üçün ərizə verib, Mayk etiraz etməyib.

Qivens və Taysonun evliliyi mətbuatda fəal müzakirə edilərkən, Robin həvəslə müxtəlif filmlərdə rol almağa dəvət edilib. Məsələn, Eddi Merfi və Halle Berri ilə birlikdə "Bumeranq" komediyasında rol alıb, Forest Uitaker ilə birlikdə "Harlemdə qəzəb" kriminal komediyasını da qeyd etmək lazımdır.

Daha sonra Qivensin karyerası kəskin şəkildə pisləşib. Qivensin iştirak etdiyi bir neçə layihə, ilkin mərhələdə uğursuz olub və ya hətta ləğv edilib. Robin Qivens gözdən düşməyə başlayıb, sonra aktrisa məşhur bir tok-şouya getməyə qərar verib, burada açıq şəkildə Mayk Taysonla evliliyi haqqında danışıb, həyatının bu dövrünü mütləq cəhənnəm adlandırıb.

İndi aktrisanın 58 yaşı var, Taysondan boşandıqdan sonra tennis müəllimi ilə evlənib, lakin onların evliliyi cəmi bir neçə ay davam edib. Daha tez-tez Qivens Mayk Taysonun vəfasız və merkantil həyat yoldaşı kimi xatırlanır.