Kişi gecəni fahişə ilə keçirmək üçün sevgilisini görün necə aldatdı?

Avstraliyada kişi gecəni fahişə ilə keçirə bilmək üçün özünün qaçırıldığını təşkil etmək qərarına gəlib.

Lent.az-ın xarici mediaya istinadən məlumatına görə, Yeni Cənubi Uelsdən olan Pol İera, qaçırıldığına dair uydurma hekayəyə görə az qala həbsxanaya düşəcəkdi. Sevgilisinin xəyanətdən xəbər tutmaması üçün ona bu versiya lazım olub.

O, sevgilisinə “maliyyə həmkarı” ilə görüşəcəyini bildirən mesaj yazıb. Mesajda o, “Yaxın Şərqdən olan adamlar” tərəfindən qaçırıldığını və girov saxlandığını, 7 min dollardan çox pul tələb etdiklərini yazıb.

Lakin 36 yaşlı kişinin fikri əks nəticə verib, çünki sevgilisi bunu polisə bildirib. Hüquq-mühafizə orqanlarının əməkdaşları hadisəyə dərhal reaksiya verib və əməliyyat həyata keçirilib.

Ertəsi gün Pol öz furqonunda tapılıb. Əvvəlcə oğurlandığını deyib, lakin bu hekayəyə inanmaq çətin olub. Bir müddət sonra məmurlar İeraya müşahidə kameralarının səs yazılarını təhvil veriblər və orada onun fahişə ilə məclisdə əyləndiyi qeydə alınıb.

Hüquq-mühafizə orqanları saxta adam oğurluğunun araşdırılmasına 200 saat vaxt sərf ediblər. Bunun üçün İera 350 saat ictimai iş və 16 min Avstraliya dollarından (10 200 ABŞ dolları) çox ciddi cərimə ödəməyə məhkum edilib.

O, həmçinin digər ittihamlara görə 18 aylıq islah işlərinə məhkum edilib. Buna səbəb onun əlində icazəsiz odlu silah və lisenziyasız döyüş sursatı olması olub. Buna görə o, əlavə olaraq 550 Avstraliya dolları (350 ABŞ dolları) məbləğində cərimələnib.