50 yaşdan sonra cinsi istəyinizi necə yaxşılaşdırmaq olar? - Psixoloqların MƏSLƏHƏTİ

Yaşlandıqda cinsi həyatı yaxşılaşdırmaq üçün Missouri Universitetinin psixoloqları qocalıqla barışmağı məsləhət görürlər.

Lent.az xarici mediaya istinadla bildirir ki, tədqiqat qrupunun işində 50 yaşdan yuxarı 1000 yaşlı cütlük iştirak edib. Bütün könüllülər cinsi həyatları, eləcə də qocalığa münasibəti ilə bağlı anket doldurublar. Toplanmış məlumatlar subyektlərin qocalma qavrayışının onların cinsi məmnunluğuna necə təsir etdiyini öyrənməyə imkan verib. Tədqiqatçılar müəyyən ediblər ki, daha müsbət münasibətə malik olan insanlar daha çox sekslə məşğul olur və eyni zamanda daha çox məmnun qalırlar.

Tədqiqatçıların sözlərinə görə, yaşlanma qavrayışının bir insanın cinsi həyatına təsir göstərməsinin bir neçə mümkün səbəbi var.

“İnsanlar qocalma səbəbiylə gücün kəskin şəkildə azalacağını gözləyirlərsə, o zaman yaxınlıq anından həzz almağı dayandırırlar, şüuraltı olaraq seks yorucu bir şey kimi qəbul edilir. Bundan əlavə, bəziləri yaşlandıqca bədənlərinə qarşı ikrah hiss etməyə başlayırlar, bu da onların cinsi həyatına mənfi təsir göstərir”, - ekspertlər vurğulayırlar.

Keçmiş araşdırmalar göstərib ki, qocalmanın mənfi qavrayışları həm də idrak qabiliyyətinin azalması, ürək-damar xəstəlikləri və hətta daha qısa ömür ehtimalı ilə əlaqələndirilir.