Sabah qar yağacaq - HAVA PROQNOZU

Sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir, səhər və axşam bəzi yerlərdə çiskinli yağış yağacağı, duman olacağı ehtimalı var, srabir güclənən cənub-qərb küləyi axşam şimal-qərb küləyi ilə əvəz olunacaq.

Ekologiya və Təbii Sərvətlər Nazirliyindən Lent.az-a daxil olan məlumata görə, havanın temperaturu gecə 8-10 dərəcə, gündüz 11-16 dərəcə olacaq.

Bakıda gecə 8-10°, gündüz 14-16° olacağı gözlənilir.

Azərbaycanın rayonlarında hava şəraiti əsasən yağmursuz olacaq. Lakin gecə və axşam bəzi yerlərdə yağış yağacağı gözlənilir. Dağlıq rayonlarda sulu qara, qara keçəcəyi ehtimalı var. Qərb küləyi ayrı-ayrı yerlərdə arabir güclənəcək.

Havanın temperaturu gecə 6-10°, gündüz 13-18°, dağlarda gecə 2° şaxtadan 3°-dək, gündüz 10-15° olacağı gözlənilir.

Ölkə ərazisində müşahidə olunan qeyri-sabit hava şəraiti oktyabr ayının sonunadək davam edəcəyi gözlənilir.