Qənirə Paşayeva Milli Məclisdə Kərküklə bağlı çağırış edib

Millət vəkili Qənirə Paşayeva Milli Məclisdə İraq türkmənlərinə dəstək çağırışı edib. Lent.az-ın məlumatına görə, İraq türkmənlərinin çox ağır vəziyyətdə olduğunu deyən millət vəkili digər millət vəkillərini də bu dəstəyə qoşulmağa çağırıb: "İraq Türkman Cəbhəsinin başqanı Ərşad Salihi ilə telefonla danışdıq. Təlafərdə, Kərkükdə, Mosulda və digər bölgələrdə insanlarımızın ağır vəziyyətdə, son dönəmlərdə isə İŞİD təhdidi altında olmaları barədə danışdı. Ərşad Salihi vəziyyətin çox ağır olduğunu dedi və bildirdi ki, qardaş Azərbaycandan dəstək gözləyirlər. Azərbaycan hər zaman İraqda yaşayan soydaşlarımıza əlindən gələn dəstəyi göstərib və inanıram ki, onların çağırışına səs verib bütün platformalarda, bütün imkanlar daxilində onlara dəstək verəcəyik. İraqdakı soydaşlarımza daha çox dəstək verməliyik”.