400 avtobus sürücüsü axtarılır – <span style="color:red;">İŞ YERİ
11 sentyabr 2014 13:33 (UTC +04:00)

400 avtobus sürücüsü axtarılır – İŞ YERİ

Paytaxtda sərnişin daşınması üçün yeni yaradılmış “Baku Bus” MMC gələn ilin əvvəlindən fəaliyyətə başlayacaq. Lent.az-ın fins.az-a istinadən məlumatına görə, bununla əlaqədar olaraq şirkət avtobus sürücülərinin işə qəbuluna başlayıb. Şirkətdən verilən məlumata görə, təqribən 400 təcrübəli avtobus sürücüsünün işə götürülməsi planlaşdırılır. Namizədlər 30-55 yaşında olmaları, azı 5 il avtobus sürücüsü kimi iş təcrübəsi, “C” və “D” kateqoriyalı sürücülük vəsiqəsi tələb olunur.

 

 

“Baku Bus” MMC-də çalışan avtobus sürücüləri ilkin olaraq 700 manat maaş alacaqlar. Sonradan bu məbləğ artacaq. Sürücülərdən gündəlik plan da tələb olunmayacaq. Çünki, avtobuslarda ödəniş kart sistemi ilə, validatorların köməyi ilə həyata keçiriləcək.

“Baku Bus” MMC-də sürücülərin iş rejimi daha rahat olacaq. Sürücülər "4 gün iş, 1 gün istirahət" sxemi ilə çalışacaqlar. 4 iş günündən 2-də iş vaxtı səhər saat 6-dan günortadan 15-dək, digər 2 gün ərzində isə saat 15-dən 24-dək olacaq.

 

 

Qeyd edək ki, “Baku Bus” MMC Bakı Şəhər İcra Hakimiyyətinin tabeliyində yaradılıb. “Baku Bus” MMC-ə məxsus 150 avtobus Fransa istehsalı olan “İveco” markalı avtobuslardır. Onlar Azərbaycan büdcəsinə 68 milyon ABŞ dollarına başa gəlib. 

Avtobuslar sıxılmış maye qaz ilə işləyir və Avro 6 standartına uyğundur. Onlar GPS sistemi ilə təchiz olunur. “Baku Bus”ın sürücüləri işə başlamazdan əvvəl onlara fransız mütəxəssislər təlim keçiləcək.

# 2913
avatar

Ləman Mustafaqızı

Oxşar yazılar