“Müxalifətin vahid namizədinin yaxın günlərdə müəyyən olunması ciddi siyasi səhv olardı”.
Lent.az-ın verdiyi məlumata görə, bunu Müsavat Partiyasının Mərkəzi İcra Aparatının rəhbəri Arif Hacılı “Facebook” sosial şəbəkəsindəki səhifəsində yazıb.
Arif Hacılı qeyd edib ki, belə addımın atılması hakimiyyətin manevr imkanlarını artıracaq: “Müxalifətin vahid namizədi seçki gününə təqribən 1 ay qalmış müəyyən edilərək cəmiyyətə təqdim olunmalıdır. Əks halda hakimiyyət mövsümi müxalifətçilərin baykot arqumentlərini artıran qərarlar qəbul etməklə 2008-ci il rüsvayçılığını təkrarlamaq imkanı qazanacaq”.