![[b]Yazov barəsində HÖKM[/b]](https://lent.az/storage/news/2019/march/27/big/c31957237e18e67bfa27d913346ae154.jpg)
Litva məhkəməsi SSRİ-nin müdafiə naziri olmuş marşal Dmitri Yazov barəsində 10 il azadlıqdan məhrumetmə hökmü çıxarıb.
ONA-nın Rusiya bürosunun verdiyi məlumata görə, Vilnüs Dairə Məhkəməsi 1991-ci il yanvarın 13-də Vilnüsdə baş vermiş hadisələrlə əlaqədar Dmitri Yazovun barəsində açılan cinayət işinə baxıb.
Məhkəmə SSRİ-nin keçmiş müdafiə nazirinin 10 il müddətinə azadlıqdan məhrum edilməsi haqqında qiyabi hökm çıxarıb.
D.Yazov hərbi və insanlığa qarşı cinayətlərdə təqsirli bilinib.
Qeyd edək ki, Dmitri Yazov 1990-cı ilin 20 yanvar hadisələrində də günahkar bilinir. Məhz onun rəhbərliyi altında 1990-cı il yanvarın 19-dan 20-nə keçən gecə SSRİ qoşunları Bakıda əhaliyə ağır texnikadan və müxtəlif tipli silahlardan atəş açıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
