![[b]Nəcməddin Sadıkov Bolqarıstanın Baş naziri ilə görüşüb[/b]](https://lent.az/storage/news/2019/march/12/big/00c21d07b390825d0d786792c316e6ce.jpg)
Bolqarıstan Respublikasında rəsmi səfərdə olan Azərbaycan Respublikası Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov martın 12-də bu ölkənin Baş naziri Boyko Borisov ilə görüşüb. Bu barədə Lent.az-a Müdafiə Nazirliyindən bildirilib.
Verilən məlumata görə, Azərbaycan-Bolqarıstan dostluq münasibətlərinin inkişafından razılığın bildirildiyi görüşdə müxtəlif strukturlar, o cümlədən Müdafiə nazirlikləri arasında görüşlərin keçirilməsi yüksək qiymətləndirilib. Bunun ölkələrimiz arasındqa mövcud siyasi, iqtisadi, mədəni əlaqələrin, hərbi sahədə əməkdaşlığın tərəqqisi üçün yeni imkanlar açdığı ifadə edilib.
Tərəflər beynəlxalq terrorizm, ekstremizmin bütün növləri, təcavüzkar separatizm və beynəlxalq təhlükəsizliyə, sabitliyə təhdid təşkil edən faktorları pisləyib, onlara qarşı mübarizədə beynəlxalq səylərin effektivliyinin artırılmasının zəruriliyini də xüsusu vurğulayıblar.
Görüşdə qarşılıqlı maraq doğuran digər məsələlər barədə də ətraflı fikir mübadiləsi aparılıb.
![[b]Nəcməddin Sadıkov Bolqarıstanın Baş naziri ilə görüşüb[/b]](https://lent.az/storage/news/2019/march/12/big/ce5606f4a33e550f34182af0bdcc0649.jpg)
![[b]Nəcməddin Sadıkov Bolqarıstanın Baş naziri ilə görüşüb[/b]](https://lent.az/storage/news/2019/march/12/big/57b45d473cc245a64ae3f57b0566e623.jpg)
![[b]Nəcməddin Sadıkov Bolqarıstanın Baş naziri ilə görüşüb[/b]](https://lent.az/storage/news/2019/march/12/big/b16d9e15cf470814d3fa95e12dc3826a.jpg)
![[b]Nəcməddin Sadıkov Bolqarıstanın Baş naziri ilə görüşüb[/b]](https://lent.az/storage/news/2019/march/12/big/889201568793455fd13f61ccf1e63e7c.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
