Aprelin 16-da azərbaycanlıların kompakt yaşadığı Bolnisinin Saraçlı kəndində məşhur Borçalı aşığı Hüseyn Saraçlının anım tədbiri keçirilib.
APA-nın Gürcüstan bürosunun məlumatına görə, tədbiri Gürcüstan Aşıqlar Birliyinin sədri Osman Əhmədoğlu açıb. Sonra Bolnisi rayon icra başçısı Qoqita Mişveliani, filologiya üzrə fəlsəfə doktoru, professor Mahmud Hacıxəlilov, parlamentin keçmiş deputatı Ramiz Bəkirov, Borçalı aşıq və şairləri, aşığın oğulları çıxış edərək, Hüseyn Saraçlı yaradıcılığından, onun ustad aşıq kimi yalnız Borçalıda deyil, eləcə də Türkiyə və İranda da məşhur olduğunu vurğulayıblar.
Tədbirdə may ayında görkəmli aşığın 100 illik yubileyinə həsr olunan silsilə tədbirlərin keçiriləcəyi bildirilib. Qeyd olunub ki, aşığın 100 illiyinə həsr olunan yubiley tədbirləri Tiflis, Marneuli, Bolnisi və Bakıda qeyd olunacaq. Sonda aşığa ehsan verilib. Ehsan süfrəsi zamanı aşıq Hüseyn Saraçlının ifası səsləndirilib.
Qeyd edək ki, bu, ölümündən sonra görkəmli aşığa həsr olunan sayca 29-cu anım tədbirdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
