Hər kəsə yüz yaşı keçmək qismət olmur, amma bəzi məşhurlar buna nail ola biliblər.
Lent.az 100 yaşı keçmiş məşhurları təqdim edir.
Norman Lir
Məşhur ssenarist və prodüser 2023-cü ilin dekabrında 101 yaşında vəfat edib. O, dəfələrlə vurğulayıb ki, məhz sevdiyi iş onun enerji mənbəyi olub.
“Bəzi insanlar qaçır. Mən qaçmıram. Mən oyanıram və sevdiyim şeyi edirəm. Bu, özümə hədiyyəmdir. Bu, mənim dualarımdır. Bu, hər şeydir”, – o, bildirib.
Oliviya de Hevillend
“Yel ilə aparılanlar” filminin ulduzu 2020-ci ilin iyulunda 104 yaşında dünyasını dəyişib. O, zarafatla deyirdi ki, uzunömürlülüyünün sirri “üç S”dədir: sevgi, səadət və işıq. Aktrisa etiraf edib ki, beynini formada saxlamaq üçün hər gün krossvord həll edirmiş.
Kirk Duqlas
“Spartak” və “Dənizin dərinliyində 20 000 liqə” filmləri ilə tanınan əfsanəvi aktyor 103 il yaşayıb və 2020-ci ilin fevralında vəfat edib.
“Yumor uzunömürlülüyə kömək edir”, – o, öz essesində yazmışdı.
“Başqaları haqqında düşünməyə çalışın, onlara kömək edin. Depressiyanızın necə azaldığını görəndə təəccüblənəcəksiniz... Qocalığın ən böyük qazancı – sevginin həqiqi mənasını kəşf etməkdir”, – aktyor əlavə edirdi.
Qloriya Stüart
“Titanik” filmində yaşlı Rouz rolunu ifa edən aktrisa 2010-cu ilin iyulunda 100 yaşını qeyd edib, lakin iki ay sonra dünyasını dəyişib.
“O vaxtlar (1930-cu illərdə) motivasiyalı idim, indi də motivasiyalıyam” deyən aktrisa “Mən sadəcə ümid etməyə davam edirdim” adlı memuarlarında yazmışdı.
Eva Mari Sent
“Dəmir yolu üzərində” filmi ilə “Oskar” qazanmış aktrisa hazırda Hollivudun ən yaşlı sağ ulduzudur. 2025-ci ilin iyulunda onun 101 yaşı tamam olub.
“Mən hələ də təmiz havada gəzintiyə çıxıram, beysbol izləyirəm, xüsusilə də Los-Anceles Dodgers-in oyunlarını, və ailəmlə, dostlarımla vaxt keçirməkdən həzz alıram”, – o, 100 illik yubileyindən əvvəl bildirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
