Xalq artisti Yalçın Rzazadə tələbəsi Safa Eldaroğlunu şou-biznesə gətirib. Lent.az-ın məlumatına görə, xalq artistinin tələbəsi bu gün paytaxt məkanlarının birində “Nağıl kimi” adlı mahnısına çəkilmiş klipi ilə bağlı mətbuat konfransı keçirib. Lakin xalq artisti müəyyən səbəblərdən tədbirə qatılmayıb: “Çoxları bilir ki, mən xalq artisti Yalçın Rzazadənin tələbəsiyəm. Bu sənətdə özümə örnək yalnız onu bilirəm. Amma bu gün tədbirə qatılmadı. Qismətsə, növbəti tədbirlərimdə yanımda olar. Yeni klipim Antalyada çəkilib. Düşünürəm ki, şou-biznesdə belə səviyyəli kliplər azdır. Bu sənətə gəldiyim gündən qarşıma bir məqsəd qoymuşam ki, qalmaqalsız irəliləyim".
Xatırladaq ki, tədbirdə müğənnilər Coşqun Viləş, Vüqar Muradov, prodüser Təranə Səmədova da iştirak edib.
Klipin rejissoru Elmir Süleymanovdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
