Firuzə İbadova Cavanşir Məmmədovdan ayrılmasının səbəbini açıqladı

Əməkdar artist Firuzə İbadova ilə 17 illik duet ortağı Cavanşir Məmmədovun ayrılmasının səbəbi məlum olub. Lent.az-a açıqlama verən Firuzə İbadova bildirib ki, illərdir, birlikdə səhnəni paylaşsalar da, artıq solo fəaliyyət göstərmək qərarına gəliblər: “Azərbaycanın ən uzunmüddətli duet ortağı biz idik. Artıq 17 il idi ki, bütün tədbirlərdə, el şənliklərində bir yerdə iştirak edirdik. Fəaliyyətimizi fərdi şəkildə davam etdirməyimizə səbəb odur ki, mən artıq tələbələrimlə məşğul olmaq niyyətindəyəm. Cavanşir müəllimlə qərara aldıq ki, yaradıcılığımızı belə davam etdirək. Birlikdə səhnə fəaliyyətimizi davam etdirməməyimizin başqa səbəbləri yoxdur. Heç bir problem də yaşamamışıq. Biz Cavanşir müəllimlə ən azından dost olmuşuq, duz-çörək kəsmişik”.