ATV telekanalında “Qruplaşma” başladı

Dünən ATV kanalının efirində dünyada ilk dəfə qrupların yarışması, “Qrup № 1” layihəsinə start verilib. Lent.az-ın məlumatına görə, bu layihədə 50-dən çox qrup iştirak etsə də, seçim turlarına yalnız 20 qrup layihədə iştirak hüququnu qazanıb. Layihənin ilk efir günüdə ilk olaraq tamaşaçılara seçim turlarından hazırlanmış proqram təqdim olunub. Daha sonra isə canlı efirində layihənin rəsmi açılışı baş tutub.

Layihənin aparıcısı kanalın tanınmış simalarından olan İlkin Həsəni tamaşaçıları salamlayıb, “Qrup №1”-in münsiflər heyətini təqdim edib. Bundan sonra proqramın məqsədi, strukturu və gedişatı haqda ətraflı məlumat verilib. Daha sonra 20 iştirakçı qrup təqdim edilərək onların hər birinin sms nömrələri elan edilib. Daha sonra bu layihənin vacibliyi, önəmli cəhətləri, maarifləndirici yönü, musiqimizin inkişafına verəcəyi töhfələr dönə-dönə vurğulanıb.

Sonda sms səsvermənin nəticələrinə görə, “S-Twins” günün toxunulmaz qrupu, “Avantaj” qrupu isə günün ən az səs toplayan qrupu olub. “Avantaj” qrupu gələn həftə yarışmaq üçün “Favorit” qrupunu duelə dəvət edib.

Gələn həftə tamaşaçıları maraqlı çıxışlar, fərqli səhnə şouları, müxtəlif janrlarda ifa və bir çox başqa sürprizlər gözləyir.

Hər həftənin bazar ertəsi saat 22:00 da ATV kanalında “Qrup №1” layihəsi efirdə olacaq.

Yarışmanın informasiya dəstəyi LENT.AZ-a məxsusdur.