Paralimpiyaçımızın ömürlük cəzası ləğv edildi
09 noyabr 2013 14:27 (UTC +04:00)

Paralimpiyaçımızın ömürlük cəzası ləğv edildi

Azərbaycanlı paralimpiyaçı Gündüz İsmayılova qarşı dopinq ittihamı ilə qoyulan ömürlük qadağa ləğv olunub.

Lent.az-ın BBC azərbaycancaya istinadən verdiyi məlumata görə, pauerliftinq idman növü üzrə idmançı Beynəlxalq Paralimpiya Komitəsinə (BPK) sübut edib ki, 2004-cü il Paralimpiya oyunları zamanı bədənində aşkar olunan qeyri-qanuni maddə onun orqanizminə keçmiş rəfiqəsi tərəfindən qatılıb.

BPK-nin məlumata görə, sözügedən qadın həmçinin Afinada keçirilən oyunlarda paralimpiyaçı olub. O, Bakı məhkəməsində boynuna alıb ki, 2003-cü ildə cütlük ayrılandan sonra onu "cəzalandırmaq üçün" cənab İsmayılovun içkisinə anabolik steroid qatıb.

 

İsmayılov bundan əvvəl 2000-ci il Sidney oyunlarında dopinqə görə iki illik qadağa çəkdiyinə üçün, ikinci hala görə ömürlük qadağa cəzası almışdı.

"İkinci pozuntu atletin öz günahı deyil, təxribat nəticəsində baş verib", BPK-nin Anti-Dopinq Komitəsinin sədri Toni Pascual deyib, və bu halın "çox unikal" olduğunu əlavə edib.

BPK-nin siyasətinə görə, ömürlük qadağanın qaldırılması üçün İsmayılov testlərdən keçməlidir və yarışlarda yenidən iştirak etmək üçün, üç ay yarışdan kənar testləri verməlidir.

 

 

# 1511
avatar

Oxşar yazılar