Beynəlxalq Futbol Tarixi və Statistikaları Federasiyası (İFFHS) 2020-ci ilin bombardirlərini açıqlayıb.
Apasport.az saytının məlumatına görə, beynəlxalq oyunlardakı qolların sayında Romelu Lukaku hamını qabaqlayıb.
O, il ərzində 16 qola imza atıb. İtaliya “İnter”inin hücumçusu Belçika yığmasında 5, avrokuboklarda 11 dəfə fərqlənib.
Erllinq Haland 14 qolla ikincidir. O, Norveç millisində 6, Dortmund “Borussiya”sı ilə qitə kuboklarında 8 qola sevinib.
İlk “üçlüy”ü 11 dəfə fərqlənən Neymar qapayır. Braziliya yığmasında 3 qol vuran forvard PSJ-nin avrokuboklardakı 8 topunun müəllifidir.
Qeyd edək ki, cədvəldə 6 və daha çox qol vuran 26 futbolçu yer alıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
