Əfsanəvi məşqçi Lobanovskinin doğum günüdür

1939-cu il yanvarın 6-da Kiyevdə sonralar dünya futbol tarixinə düşən Valeri Lobanovski doğulub.

Lent.az xarici KİV-ə istinadla bildirir ki, onun titulları və qazandığı uğurlar, bütün Ukrayna məşqçiləri ilə müqayisədə bir nəsil üçün kifayət edərdi.

Lobanovski World Soccer, France Football, FourFourTwo və ESPN versiyaları üzrə futbol tarixinin 10 ən yaxşı məşqçiləri sırasına düşüb. UEFA 2017-ci ildə onu 1954-cü ildə təşkilat yaranandan bəri Avropa futbolunun 10 ən yaxşı məşqçisi siyahısına daxil edib.

Bir çox azarkeş Lobanovskini həmişə çox təmkinli və ciddi olduğu kimi xatırlayır. Məşqçinin üzündəki təbəssümü xatırlamaq çətindir. Dostları onun incə yumor hissindən danışırlar, ən sevimli lətifəsini xatırlayırlar.

Ukraynada əfsanəvi məşqçi haqqında “Müəllim” bədii filmi çəkiləcək. Hadisələr keçən əsrin 70-ci illərinin ortalarını əhatə edəcək.

Bu dövrdə Valeri Lobanovskinin rəhbərlik etdiyi ulduz komandası olan “Dinamo” Kiyevin şöhrəti qitənin hər tərəfinə yayılmışdı. 1973-cü ildə 34 yaşlı məşqçi "Dinamo" ya rəhbərlik etmək üçün dəvət alır və iki ildə klubu əvvəlcə Kubok Qalibləri Kubokunda, ardından UEFA Superkubokunda qələbəyə aparır.

Lobanovski 2002-ci il mayın 13-də 63 yaşında vəfat edib.