Zaqatalada baş verən yol qəzasında ölən şəxsin kimliyi açıqlanıb.
Lent.az APA-ya istinadən xəbər verir ki, qəza zamanı aldığı ağır xəsarətlərdən ölən şəxsin mikroavtobusda olan sərnişin, Zaqatalanın Qandax kənd sakini, 55 yaşlı Zöhrə Mehralı qızı Cəbiyevadır.
Rayonun Muğanlı kənd sakini, 31 yaşlı Rəvan İlham oğlu İsmayılovun idarə etdiyi mikroavtobus Zaqatala-Qandax- Kəpənəkçi avtomobil yolunda hərəkətdə olarkən Qandax kənd sakini Vasif Şamsun oğlu Əsgərovun idarə etdiyi qoşqulu motosikletlə toqquşub. Qəza zamanı motosikletin sürücüsü V. Əsgərov, motosikletdə sərnişin qismində olan sürücünün oğlu 23 yaşlı Adəm Əsgərov, mokroavtobusda olan sərnişinlər - rayonun Qandax, Faldar və Muğanlı kənd sakinləri olan ümumilikdə 7 nəfər müxtəlif dərəcəli bədən xəsarətləri alıblar. Onlar Zaqatala rayon Mərkəzi Xəstəxanasına yerləşdiriliblər.
Mikroavtobusun sərnişinlərinin tütünçü olduqları bildirilir. Onlar Şəki rayonu ərazində əkilən tütün sahəsindən işlədikdən sonra evlərinə qayıdırmışlar.
Faktla bağlı araşdırma aparılır.
***
18:15
Zaqatalada mikroavtobusla motosiklet toqquşub, bir nəfər ölüb, xəsarət alanlar var.
Lent.az APA-ya istinadən xəbər verir ki, hadisə Zaqatala-Qandax avtomobil yolunun Qandax kəndi ərazisindən keçən hissəsində qeydə alınıb.
Zaqatala-Qandax marşutu ilə hərəkət edən mikroavtobus qoşqulu motosikletlə toqquşub. Qəza zamanı mikroavtobusda olan bir nəfər şərnişin aldığı ağır xəsarətlərdən hadisə yerində ölüb. Motosikletin sürücüsü, sərnişini və mikroavtobusda olan sərnişinlərdən xəsarət alanlar var. Yaralılar Zaqatala Rayon Mərkəzi Xəstəxanasına aparılıblar. Hazırda yaralılara tibbi yardım göstərilir, şəxsiyyətləri dəqiqləşdirilir.
Faktla bağlı araşdırma aparılır.
