Bakıda oğlunu görməyə gedən ata qaynı və qayınatası tərəfindən döyülüb. Səbail Rayon Polis İdarəsindən Lent.az-a verilən məlumata görə, Binəqədi rayon sakini, 1980-ci il təvəllüdlü İbrahimov Elşad Şirin oğlu 39-cu Polis Bölməsinə müraciət edərək bildirib ki, iyulun 2-də Nizami küçəsi 88 ünvanının qarşısında 2008-ci il təvəllüdlü oğlu Elşadı görmək üçün vədələşib. Həmin yerə çatanda E.İbrahimov keçmiş qayınatası Tağızadə İsmayıl Kamil oğlu, qaynı Orxan və onlarla birgə gələn 2 nəfər şəxs tərəfindən xuliqanlıq zəminində döyülüb.
Müraciət əsasında araşdırmalar aparılır.