Xəbər verdiyimiz kimi, dünən axşam Gəncə şəhər icra hakimiyyətinin başçısı Elmar Vəliyev və mühafizəçisi güllələnib.
Rəsmi orqanlardan Lent.az-a daxil olan məlumatda bildirilirdi ki, E.Vəliyevi 1983-cü il təvəllüdlü Yunis Səfərov vurub.
Y. Səfərovun pasportunun fotosunu sosial şəbəkə üzvləri yayıblar. Verilən məlumata görə, Yunis Səfərov Rusiya Federasiyasının vətəndaşıdır və Moskva şəhərində yaşayırmış. O, Gəncədə törətdiyi başqa bir hadisə ilə bağlı axtarışda olub. Bildirildiyinə görə, Azərbaycana da məhz icra başçısını vurmaq üçün gəlib.