29 yaşlı İsmayılov Sənan Sahil oğlunu aralarında baş vermiş münaqişə zəminində naməlum şəxs bıçaqlayıb. Hadisə şəhərin Sahil küçəsində qeydə alınıb.
Yaralı dərhal xəstəxanaya çatdırılıb. Faktla bağlı araşdırma aparılır.
Sumqayıt Tibb Mərkəzindən Lent.az-a bildirilib ki, Təcili Tibbi Yardım Xəstəxanasına 29 yaşlı şəxs hospitalizasiya olunub.
Qarnın açıq yarası diaqnozu təyin edilən gənc Reanimasiya şöbəsinə yerləşdirilib. Müalicəsi davam etdirilən pasiyentin vəziyyəti orta ağır qiymətləndirilir.
Daxili İşlər Nazirliyi mətbuat xidmətinin əməkdaşı polis leytenantı Elbrus İbrahimov bildirib ki, Sumqayıt şəhəri, Sahil küçəsində 29 yaşlı şəhər sakinini naməlum şəxsin kəsici alətlə yaralaması barədə ərazi polis orqanına məlumat daxil olub. Şübhəli şəxsin kimliyi müəyyən edilib. Onun saxlanılması istiqamətində tədbirlər görülür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
