Ağstafa rayonunda baş verən qətlin bəzi təfərrüatları məlum olub.
Lent.az APA-ya istinadla xəbər verir ki, hadisənin borc üstündə baş verdiyi bildirilir.
Hadisəni törədən 49 yaşlı Zülfiyyə Musayeva 61 yaşlı Fatimə Musayevadan ötən illin iyul ayında min manat borc pul alıb. Bir neçə gün bundan əvvəl F.Musayeva Z.Musayevadan pulu istəyib. Z. Musayeva borcunu qaytarıb. Dünən isə o, F. Musayevagilə gedib, kəsici ailətlə evdə tək olan qadının boğazına və qoluna xəsarət yetirərək qətlə yetirib.
Onlar həm qohum, həm də qonşu olub.
***
08:55
Ağstafada qətl hadisəsi baş verib.
Lent.az-ın məlumatına görə hadisə rayonun Dağ Kəsəmən kəndində qeydə alınıb.
Belə ki, kənd sakini 61 yaşlı F. Musayeva yaşadığı evdə kəsici alətlə qətlə yetirilib.
Hadisə yerinə hüquq mühafizə orqanlarının əməkdaşları cəlb olunub. Cinayəti törətməkdə şübhəli bilinən, onun qohumu 49 yaşlı Zülfiyyə Musayevanı polis əməkdaşları saxlayaraq istintaqa təhvil verib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
