Şimali Amerikada ilin ən yaxşı avtomobili seçilir

Şimali Amerikada “2015-ci ilin avtomobili” (North American Car and Truck/Utility of the Year) adına namizədlərin final siyahısı elan edilib.

Lent.az-ın “milli.az”-a istinadən məlumatına görə, mükafat iki kateqoriyada maşınlara təqdim ediləcək: yüngül və yolsuzluq avtomobilləri. Qaliblər yanvarda keçiriləcək Detroyt avtosalonunda elan ediləcək.

Yüngül avtomobillər kateqoriyasında müsabiqənin finalçıları Hyundai Genesis, Volkswagen Golf və Ford Mustang avtomobilləri deçilib. Ən yaxşı yolsuzluq avtomobili və pikap adı uğrunda isə Ford F-150, Chevrolet Colorado və həmçinin Lincoln MKC mübarizə aparacaq. Finalçılar KİV-lərdə çalışan 57 ekspert tərəfindən səsvermə ilə müəyyənləşdiriləcək.